dags úti í leikjum eða í hjólatúrum. Börn vilja heldur vera inni í „Ipödunum“ sínum eða í Playstation tölvunni sinni. Margir fræðimenn sem hafa rannsakað þetta telja að skortur útiveru og hreyfingar hjá krökkum nú til dags sé stór hluti í hækkun kvíða á síðustu árum. Hreyfing og útivera er góð fyrir heilann vegna þess að þegar þú hreyfir gefur heilinn frá sér efni sem kallast endorfín sem örva hamingju og minnka sársaukatilfinningar. Ef börn og unglingar hætta að hreyfa sig og vera úti í náttúrunni hætta þessi efni að framleiðast og, þó þau fatti ekki ástæðuna, þá líður þeim verr.
            Ekki nóg með það að útivera og hreyfing getur dregið úr líkum kvíða, þá geta þær einnig hjálpað við að meðhöndla kvíða. Rannsóknir hafa endurtekið sýnt fram á að reglubundin hreyfing, sérstaklega úthaldsþjálfun, getur dregið verulega úr kvíða og öðrum andlegum sjúkdómum. Þar að auki hafa verið gerðar samanburðarrannsóknir á fólki með alvarlegt þunglyndi og alvarlegan kvíða þar sem lyfjameðferð og hreyfing hafa verið bornar saman. Rannsóknirnar gáfu til kynna að báðar meðferðirnar virka jafn vel á miðlungsalvarlega andlega sjúkdóma þ.e.a.s. kvíða og þunglyndi. Eini munurinn var sá að lyfin byrjuðu að virka fyrr en hreyfingin, en ef þú hreyfir þig reglulega ert þú líklegri til að halda niðri einkennunum lengur en ef þú tækir einungis lyf.